അമേരിക്കന് എ.ഐ വമ്പന്മാരെ മറിച്ചിട്ട ചൈനക്കാരന്റെ ‘ഡീപ് സീക്കി’നെ കരുതിയിരിക്കണമെന്ന ട്രംപിന്റെ മുന്നറിയിപ്പിനിടയിലും അവരുമായി കൈകോര്ക്കാന് യു.എസ് കമ്പനിയായ മൈക്രോസോഫ്റ്റ്. ഓപണ് എ.ഐയുടെയും ചിപ് ഭീമന് എന്വിഡിയയുടെയും വിപണിമൂല്യത്തില് വന് ഇടിവ് വരുത്തി മുന്നേറിയ ഡീപ് സീക്കിന്റെ ആര് 1 മോഡല്, വിന്ഡോസ് 11 കോപൈലറ്റില് (പി.സി) ഉള്പ്പെടുത്തുമെന്ന് മൈക്രോസോഫ്റ്റ് അറിയിച്ചിരിക്കുകയാണ്. ഇതുപയോഗിച്ച് ഡെവലപ്പര്മാര്ക്ക് എ.ഐ ആപ്പുകള് പ്രാദേശികമായി നിര്മിക്കാമത്രെ. വിന്ഡോസില് എ.ഐ ആപ്പുകള് വികസിപ്പിക്കുന്നതില് കുതിച്ചുചാട്ടം ഉണ്ടാകുമെന്നും പറയുന്നു. ഡീപ് സീക്ക് ചാറ്റ് ജി.പി.ടിയുടെ ഡാറ്റ മോഷ്ടിച്ചുവെന്ന ആരോപണം ഉയര്ന്നിരുന്നു.
